تورتة "شهداء شباب الشعب المصرى"
شعر : حسام العقدة
تورته ... للشهدا
وعليها كريم شانتيه بلون الثورة
وكريز بلون الدم
تورتة أكتر من ألف شهيد
مش واحد ...
مش سته
ميات من شبان الشعب
م الأحزاب ... م الشرطه
تورته ... للشهدا
وكله عليها اتلم ...
وحتتقسم على ناس من بره
وناس من جوه
وناس أفكارها كلتها العته
وما حدش مهتم بأسماء الشهدا
مين الأب ...
مين الأم ...
حتى ما حدش قادر يطفى نيران الشمع لحد الوقتى
التورته حتتقطع ... وحتتقسم ...
الحق لك حته ... !!
.......................
http://pulpit.alwatanvoice.com/articles/2011/08/12/234826.html
