يابحر : شعر حسام
العقدة
عايز تغرقنى٠٠ يابحر
عايز تغرقنى
وانت اللى طول عمرك مافكرتش تشرقنى
حتيجى دلوقتى وتروح مغرقنى
دانا اللى عشت سنين صديق
ببساطه اوصل للغريق
واغطس واعوم
ولا السمك يستجرى يسبقنى
عايز تغرقنى
٠٠٠
قديم وعارفك من زمان
وبرضه ليا لسان كمان
حاجيب فى سيرتك
وحهز صورتك
واسال بحور الشعر عنى
ممكن قصيده تعلى سهمك
وقصيده تانيه تغرقك
يابحر صدقنى
عايز تغرقنى
٠٠٠
انا لما احب اعوم٠٠ يابحر
اعوم براحتى
ولما احب ارتاح واقف
على طول الاقى الارض تحتى
بسرعه تلحقنى
واياك تفكر يوم تغرقنى
..........................
حسام العقدة
